Վրացի բժիշկներն ի հայտ են բերել երկրում նոր կորոնավիրուսով վարակման երկրորդ դեպքը: Այդ մասին փետրվարի 28-ին Թբիլիսիում կայացած բրիֆինգում հայտնել է Վրաստանի առողջապահության նախարարության հիվանդությունների եւ հանրային առողջության վերահսկողության ազգային կենտրոնի տնօրեն Ամիրան Գամկրելիձեն:

Գամկրելիձեի խոսքով՝ Վրաստանի քաղաքացին վիրուսով վարակվել է Իտալիայի տարածքում:

«Նրա առողջական վիճակը բավարար է, եւ բժիշկները նրա առողջության մոնիթորինգ են իրականացնում»,- ասել է նա, հաղորդել է ՏԱՍՍ-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել