ԱՀԿ-ի կանխատեսումների համաձայն, եթե ժամանակին քայլեր չկատարվեն, ապա հաջորդ տարի կորոնավիրուսով կվարակվեն մոլորակի բնակչության 40-ից 70%-ը։
Այսօր տեղեկություններ են տարածվել, որ վիրուսը ներթափանցել է նաև Խորվաթիա, Ռումինիա և Բրազիլիա։
Իտալիայում հայտնաբերվել է 347 հիվանդ, որից 12-ն արդեն մահացել են։ Եվրոպայում սա ամենակրիտիկական երկիրն է, քանի որ եվրոպական երկրների միջև սահմանները բաց են և հայտնի չէ, թե քանի վիրուսակիր և որ ուղղությամբ են շարժվել։
Անսպասելիորեն կորոնավիրուս են հայտնաբերել նաև Տեներիֆեի հյուրանոցներից մեկում և հիմա ավելի քան 1000 մարդ գտնվում է կարանտինի մեջ և մեկ ամսվա ընթացքում այնտեղից չեն կարող դուրս գալ։ Սակայն հայտնի չէ, թե ում հաշվին են նրանց պահելու կղզում, և հյուրանոցից դուրս գալու հնարավորություն լինելու է, թե ոչ։
Պարզվում է,որ հարյուր տարին մեկ՝ 20 թվականներն Երկիր մոլորակի վրա լուրջ պանդեմիա է սկսվում․
- 1720 թվական՝ ժանտախտ Եվրոպայում
- 1820 թվական՝ խոլեայի համաճարակ Ինդոնեզիայում, Ֆիլիպիններում և Թաիլանդում
- 1920 թվական՝ իսպանական գրիպ, որը խլեց 50-100 միլիոն մարդու կյանք՝ երկրագնդի բնակչության մոտ 5%-ը։ Վարակվածների թիվը հասել էր ավելի քան 550 միլիոն մարդու։
Տարօրինակ օրինաչափություն է։ Սակայն հուսանք, որ այն միայն պատահականություն է։
