Արմանին ժամանակավորապես փակել է Իտալիայում իր գործարաններն ու գրասենյակները

Իտալացի դիզայներ և ձեռներեց Ջորջիո Արմանին մեկ շաբաթով փակել է Միլանում իր գրասենյակները, ինչպես նաև դադարեցրել է աշխատանքները Լոմբարդիայի, Էմիլիա-Ռոմանիայի, Վենետոյի, Տրենտինո-Ալտո Ադիջեի և Պիեմոնտի գործարաններում ՝ Իտալիայում կորոնավիրուսի տարածման պատճառով: Այս մասին հաղորդել է ANSA- ն:

Հայտնի է, որ անցած օրվա ընթացքում երկրում COVID-19 կորոնավիրուսով վարակվել է 152 մարդ, որից երեքը մահացել է:

AP-ի տվյալներով, դիզայները նաև ցանկացել է, որ փետրվարի 23-ին Միլանում անցկացվող Fashion Week-ի շրջանակում իր ցուցադրությունը անցկացվի դռնփակ․ միջոցառմանը հյուրեր չեն եղել: