Ժամանակակից աշխարհում շատ կանայք են երազում հայտնիության ու փառքի մասին։ Համարվում է, որ դա հեշտ գումար վաստակելու միջոց է։ Իսկ ինչպես ցույց է տալիս փորձը, ցանկալի հայտնիությանը հասնելու համար առանձնապես տաղանդ հարկավոր էլ չէ։ Դրա վառ օրինակն է Instagram-ի մոդել Ալեքսիս Մուչին։ Նրա էջին ամեն օրը հազարավոր մարդիկ են բաժանորդագրվում, իսկ պատճառը նրա արտասովոր արտաքինն է։

Հարկ է նշել, որ այս արտաքինը աղջկան բնությունը չի շնորհել։ Միայն վիրահատական միջամտությունների շնորհիվ է նա հասել ցանկալի արդյունքին։ Ալեքսիսը մեծացրել է կուրծքը, շուրթերը, վիրահատել է քիթը։ Նա նաև աչքերի գունավոր ոսպնյակներ է օգտագործում, վառ շպար է անում և ներկում մազերը։ Նա նաև հետևում է իր կազմվածքին, ճիշտ սնունդ է օգտագործում և սպորտով է զբաղվում։

Ալեքսիսին նայելիս չես էլ մտածի, թե նա մասնագիտությամբ ճարտարագետ է։ Նա ամեն բան թողել և Սիդնեյ է տեղափոխվել, որպեսզի զբաղվի իր սիրած գործով։ Նրա սադրիչ լուսանկարներն ու արտասովոր արտաքինը նրան չափազանց հայտնի են դարձրել։ Եվ նա գոհ է այս արդյունքից։ Նա իր մարմնի վրա բավական մեծ փողեր է ծախսել, իսկ հիմա այդ ամենը և դեռ ավելին նա վաստակում է։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել