Pastinfo.am-ը գրում է․
«Փաստինֆո»-ի տեղեկություններով Երևանի քաղաքապետարանում վերջին շրջանում այսպես ասած՝ սեփական դիմումի համաձայն հրաժարականների և սահմանադրական հանրաքվեի կազմակերպչական աշխատանքներում վստահելի լինելու և ակտիվ աշխատելու գործոնը, լուրջ դեր ունի:
Ասենք, բոլորովին պատահական չէ, որ հենց այս փուլում են ազատման դիմումներ ներկայացնում քաղաքապետարանում շուրջ 2 տասնամյակ և ավելի՝ ՀՀՇ-ից ՀՀԿ և նույնիսկ՝ ՔՊ-ի օրոք աշխատած անձինք՝ ընտանիքի, կանանց և երեխաների իրավունքների պաշտպանության բաժինի պետ Իդա Խաչատրյանը և սոցիալական ապահովության վարչության պետ Ռուզան Զաքարյանը:
Ի դեպ, սրանք հենց այն ոլորտներն են, որոնք առնչություն ունեն բնակչության լայն ու նաև՝ սոցիալապես անապահով շերտերի հետ: Բայց՝ ոչ միայն: Այս ոլորտների շահառուներին վերաբերող թեմաներն են անցնում ստամբուլյան կոնվենցիայի տարբեր կետերով:
Ընդ որում, հետաքրքիր է, որ քաղաքապետարանի արդեն ստաժավոր ժ/պ-ների ցանկն ազատվածների փոխարեն համալրողներից մեկը, ըստ մեր աղբյուրի, ընտանիքի, կանանց և երեխաների իրավունքների պաշտպանության բաժինի հին կադրերից է և դարձյալ ՀՀՇ-ական ակունքներ ունի, իսկ մյուսը՝ սոցապահովության վարչության պետի ժ/պ-ն նոր իշխանության կադրերից է՝ նախկինում՝ աշխատանքի և սոցիալական ապահովության նախարարության աշխատանքի և սոցիալական հետազոտությունների ազգային ինստիտուտի աշխատակից, ինչը, հատկապես բազային տիրապետելու առումով կարևոր նշանակություն կունենա հանրաքվեի կազմակերպչական աշխատանքների համար՝ սկսած՝ հետազոտություններից, ավարտած՝ սոցապի հետ սինխրոն աշխատանքով:
Մեր ունեցած տեղեկություններով հրաժարական ներկայացնողների թվում է նաև Երևանի քաղաքապետարանի աշխատակազմի քարտուղարի բազմամյա տեղակալ Արթուր Կարապետյանը: