Կարեկցանք և աջակցություն ցուցաբերելու ունակությունը դրական որակ է համարվում, սակայն կարևոր է դա ճիշտ դրսևորելը։ Եթե այլ մարդու հետ զրուցելուց հետո ձեզ սպառված եք զգում, նշանակում է՝ ժամանակն է փոխելու ձեր վարքը։
Ինչպե՞ս են բացասական մարդիկ ազդում մեզ վրա. եկեք պարզենք միասին։
Բացասական մարդկանց ազդեցությունը
Մարդկանց մի մասը պատմում է իր խնդիրների մասին օգնություն և խորհուրդ ստանալու համար, մյուսները՝ որպեսզի իրենց մեջ կուտակված ողջ նեգատիվ բարդեն ուրիշի վրա։ Պետք է սովորել տարբերել այս երկու տեսակներին։
Ինչո՞ւ պետք չէ լսել բողոքները
Քանի որ նա, ով միայն բողոքում է, ոչինչ չի անում իր կյանքը փոխելու համար։ Նրա համար սովորական է նեղացածի դերում լինելը։ Ենթադրենք՝ լսեցիր նրան, իսկ ինչո՞վ կօգնես։ Ոչնչով։ Նրան օգնություն պետք չէ, նրան խոսել է պետք։ Իսկ աննպատակ զրույցն իմաստ չունի։ Դու երբեք չես լուծի մշտապես բողոքողների խնդիրները, քանի որ նրանք նպատակ էլ չունեն դրանք լուծելու։ Միակ բանը, ինչին նա ձգտում է, իր ճակատագրի համար պատասխանատվությունից ազատվելն է։
Ի՞նչ է լինում մեզ հետ, երբ մշտապես բողոքներ ենք լսում
Մենք անիմաստ վատնում ենք մեր էներգիան։ Մենք ուզում ենք օգնել, սակայն խնդրի լուծումը չի գալիս։ Մենք փորձում ենք կրկին ու կրկին և արդյունքում սպառվում ենք։ Մեզ մոտ սկսվում են զգայական անհավասարակշռություն, սեփական խնդիրները լուծելու բարդություններ, կենտրոնացման հետ կապված խնդիրներ, ի հայտ են գալիս բացասական մտքերի։
Ի՞նչ կարող ենք մենք անել
Պետք է հեռավորություն պահել։ Միգուցե բողոքողը սկզբում վիրավորվի դրանից։ Բայց իրականում, եթե բոլորը հրաժարվեն լսել նրա բողոքները, անընդհատ դրանց մասին խոսելու փոխարեն նա ստիպված կլինի լուծել իր խնդիրները։ Չպետք է «թուլություն» ցույց տաք։ Նրանց ցույց մի տվեք ձեր պատրաստակամությունը։ Այդպիսով դուք կխորտակեք և՛ ձեզ, և՛ իրեն։ Բողոքող մարդու նեգատիվ գործունեությունը երբեք չի դադարի։ Հյուծելով ձեզ՝ նա իր համար նոր զոհ կգտնի։ Դուք կարող եք նաև նրան ասել, որ չեք ցանկանում «ողբերգությունների և անհաջողությունների» մասին անդադար խոսել։ Այդ դեպքում մարդը ստիպված կլինի շեղվել նեգատիվից։
