Մարտի 31-ին Արցախում կայանալիք համապետական ընտրություններին Հանրապետության նախագահի թեկնածուների և կուսակցությունների (կուսակցությունների դաշինքների) ընտրական ցուցակների գրանցման համար վերջիններիս կողմից ԱՀ կենտրոնական ընտրական հանձնաժողով փաստաթղթեր ներկայացնելու գործընթացը մեկնարկել է փետրվարի 5-ին։

Արցախի Հանրապետության Կենտրոնական ընտրական հանձնաժողովից տեղեկանում ենք, որ այն կտևի մինչև փետրվարի 15-ը ներառյալ։

Փետրվարի 10-ի դրությամբ համապետական ընտրություններին մասնակցելու մեկ հայտ է ներկայացվել. «Անկախության Սերունդ» կուսակցության կողմից որպես հանրապետության նախագահի թեկնածու առաջադրված Ռուսլան Էդուարդի Իսրայելյանի գրանցման փաստաթղթերը ԱՀ կենտրոնական ընտրական հանձնաժողովում ուսումնասիրվում են:

Նշենք, որ մի քանի կուսակցություններ հայտնել են ընտրություններին մասնակցելու մասին, որոշները՝ դաշինքով մասնակցության մասին, սակայն դեռևս ԿԸՀ փաստաթուղթ չեն ներկայացրել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել