Պլաստիկե շշերը պիտակի վրա պարտադիր նշում ունեն, որը ցույց է տալիս, թե որ տեսակի պլաստմասսայից է պատրաստված շիշը: Առաջարկում ենք ծանոթանալ դրանցից յուրաքանչյուրի նշանակությանը:
1. PET կամ PETE
Դրանք միանգամյա օգտագործման շշեր են, որոնք կարող են արտազատել ծանր մետաղներ և մարդու օրգանիզմի հորմոնալ հավասարակշռության վրա ազդող այլ նյութեր:
2. HDP կամ HDPE
Սա շատ լավ պլաստիկ է, որը ոչ մի թունավոր նյութ չի արտազատում: Այն նաև էկոլոգիապես մաքուր նյութ է. ամբողջովին վերամշակվում է:
3. PVC կամ V
Այս նյութից պատրաստված իրերը արտազատում են ամենաքիչը երկու վտանգավոր քիմիական միացություն, որոնք կարող են բացասաբար ազդել հորմոնալ հավասարակաշռության վրա: Սա ճկվող և փափուկ պլաստիկատ է, նրանից պատրաստում են սանտեխնիկայի համար նախատեսված իրեր և խողովակներ:
4. LDPE
Այս նյութը օգտագործվում է պլաստիկե շշեր և տոպրակներ պատրաստելիս: Այն իր մեջ պարունակող ջրի մեջ քիմիական նյութեր չի արտազատում, սակայն դրանից պատրաստված տոպրակներից մթերային խանութներում պետք է հրաժարվել:
5. PP
Սա սպիտակ գույնի նյութ է, օգտագործվում է յոգուրտներ կամ քաղցրահյութեր պահելու համար: Այն ջերմակայուն է և համեմատաբար անվտանգ:
6. PS
Հաճախ օգտագործվում է սուրճի միանգամյա օգտագործման բաժակների և սննդի տարաների համար: Տաքացնելիս այն վտանգավոր քիմիական նյութեր է արտազատում:
7. PS կամ պլաստմասսա առանց հատուկ նշանների
Սա ամենավտանգավոր նյութն է, օգտագործվում է ջրի և սննդի համար նախատեսված տարաների արտադրության մեջ: Այս նյութից պատրաստված տարայում սնունդը կամ ջուրը պահելը խստիվ արգելվում է: Նրա արտազատած թունավոր նյութը քայքայում է ձեր էնդոկրին համակարգը: