Միգուցե մազոխիստական թվա, բայց ինձ արդեն հաճույք է պատճառում հետևել ԱԺ երգի և պարի մանկապատանեկան խմբակի հանդեսներին և մենակատարների ելույթներին:

Ծանրաբեռված օրվա ավարտին բավականին արդյունավետ ներգործող անտիսթրես է, զվարճացնում ու լիցքաթափում է:

Բայց կուլմինացիան, իհարկե, յուրաքանչյուր չորեքշաբթի երեկոյան համույթի գեղարվեստական ղեկավարի մենահամերգն է, դերասանական խաղի մաստեր-կլասը, էքսպրեսիայի ու էմոցիայի հորձանքը և համույթի ֆան ակումբների հրճվանքն ու բավարարվածությունը:

Իսկ հինգշաբթի օրերն առանձնահատուկ են, քանի որ հեռարձակվում է մանկապատանեկան համույթի գեղարվեստական ղեկավարի հեղինակած զվարճալի անիմացիոն ծրագիրը՝ տարբեր հերոսների մասնակցությամբ:

Մի խոսքով՝ «Նոր Հայաստան» մի ասա, մի հրաշք Դիսնեյլենդ ասա...

#սենց_էլ_ապրում_ենք_մեր_սիրած_քաղաքում

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել