Հարաբերություններում ամենաանհարմար պահերից մեկն առաջին ժամադրութունն է, քանի որ տղան և աղջիկը դեռևս լավ չեն ճանաչում մեկը մյուսին։ Ներկայացնում ենք զրույցի 5 թեմա, որոնք կօգնեն դուրս գալ անհարմար իրավիճակից և հաճելի զրույց ապահովել։

Հանգիստ

Հետաքրքրվեք, թե ինչպես է անցկացնում իր ազատ ժամանակը։ Սա շատ բան կարող է պատմել նրա մասին։ Օրինակ՝ զրուցակիցն աշխո՞ւյժ է, թե՞ հանգիստ։ Այսպիսի խոսակցությունների շնորհիվ ընդհանուր կարծիք է ձևավորվում։

Հոբբի

Կարելի է համարել նախորդ թեմայի շարունակությունը։ Յուրաքանչյուր մարդ ունի իր հետաքրքրությունները, և հնարավոր է, որ այդ հետաքրքրություններից մի քանիսը լինեն ընդհանուր։ Այդ դեպքում մտերմանալու հավանականությունը մի քանի անգամ մեծանում է, քանի որ խոսելու ընդհանուր թեմաներ են ստեղծվում։

Աշխատանք/ուսուցում

Ժամադրության ժամանակ այս թեմային այդքան էլ շատ ժամանակ մի հատկացրեք, քանի որ շատերը ցանկանում հանգստանալ և չմտածել հոգսերի մասին։ Սակայն որպեսզի կարողանաք հասկանալ, թե ով է նստած ձեր առջև, այնուամենայնիվ, պետք է խոսեք այս թեմայից։ Բացի այդ, եթե դուք չգիտեք, թե ինչից սկսեք, ապա միշտ կարող եք սկսել այս թեմայից։

Ապագայի պլաններ

Մտերմիկ զրույցը չվերածեք հարցաքննության, ուղղակի հետաքրքրվեք, թե ինչպես և որտեղ է իրեն պատկերացնում 5 տարի անց։ Այսպես դուք կհասկանաք՝ համընկնո՞ւմ են ձեր պատկերացումները, թե՞ ոչ։

Ճանապարհորդություն

Խոսելու համար շատ լավ թեմա է, որի օգնությամբ կարող եք շատ հետաքրքիր բաներ պարզել։ Պատմեք ձեր ճանապարհորդությունների մասին, կիսվեք ամենավառ տպավորություններով, հետաքրքրվեք, թե որտեղ է եղել նա։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել