Աշխարհի ամենախելացի (տեխնոլոգիապես) քաղաքների վարկանիշային աղյուսակը գլխավորում են Սինգապուրը, Օսլոն և Ցյուրիխը: Այս մասին ասվում է Սինգապուրի տեխնոլոգիայի և դիզայնի համալսարանի ուսումնասիրության մեջ:
Տասնյակում են նաև Ժնևը, Կոպենհագենը, Օուքլենդը, Թայբեյը, Հելսինկին, Բիլբաոն և Դյուսելդորֆը: Աղյուսակը կազմելիս հաշվի են առնվել այնպիսի ցուցանիշներ, ինչպիսիք են առողջապահությունը և քաղաքացիների անվտանգության ապահովումը, տրանսպորտի հասանելիությունը, սոցիալական ակտիվությունը, հնարավորությունների մատչելիությունը և քաղաքի կառավարումը: Աղյուսակում ընդհանուր առմամբ ընդգրկվել է 102 երկիր: Այն եզրափակում է Լագոսը:
Հիշեցնենք, որ The Economist Intelligence Unit-ի համաձայն՝ աշխարհի ամենահարմարավետ քաղաքների վարկանիշային աղյուսակը երկու տարի անընդմեջ գլխավորել է Վիեննան:
