Իսպանական Տոլեդո քաղաքում վարորդը ավտոմեքենայով հարվածել է եկեղեցու դռներին, հասել մինչեւ խորան՝ զգալիորեն վնասելով տաճարի ունեցվածքը, հայտնում է Digital de Castilla la Mancha թերթը՝ հղում կատարելով ոստիկանությանը։
Չորեքշաբթի գիշերը ներխուժման օբյեկտ է հանդիսացել քաղաքի հովանավոր հանդիսացող Սուրբ Հովհաննես Ավետարանչի եկեղեցին։
Թերթի կողմից հրապարակված լուսանկարներում երեւում է խորանի մոտ կանգնած ամենագնացը, որն իր հետեւում է թողել շպրտված եւ կոտրված նստարաններ։ Լրջորեն վնասվել են նաեւ եկեղեցու դռները։
Իրավապաշտպանների տվյալներով՝ վարորդը 35-ամյա տեղացի բնակիչ է։ Ինչպես հայտնում է EFE գործակալությունը՝ հղում կատարելով տեղեկացված աղբյուրներին, տղամարդը համարել է, որ հետապնդվում է սատանայի կողմից եւ եկեղեցու խորանը դիտարկել է որպես միակ թաքստոց։ Նա վնասվածքներ է ստացել եւ հոսպիտալացվել է։ Նրան կարող են ձերբակալել։
