Azatuutyun.am-ը գրում է․

Ռուսաստանում ԱՄՆ նորանշանակ դեսպան Ջոն Սալիվանը Վաշինգտոնում հանդիպել է իր ռուսաստանցի պաշտոնակից Անատոլի Անտոնովի հետ:

ԱՄՆ-ում Ռուսաստանի դեսպանատան հաղորդագրության համաձայն, «երկու դեսպանները քննարկել են Միացյալ Նահանգների և Ռուսաստանի հարաբերությունների ներկայիս վիճակը և մտքեր են փոխանակել դրանց հեռանկարի վերաբերյալ»:

Սալիվանը Պետական դեպարտամենտում աշխատել է երկու նախորդ վարչակազմերի օրոք և համարվում է պետական քարտուղար Մայք Փոմփեոյի քաղաքական դաշնակիցը:

Միացյալ Նահանգների Սենատը Սալիվանին դեկտեմբերի 12-ին է հաստատել Ռուսաստանում ԱՄՆ դեսպանի պաշտոնում:

Պետքարտուղար Ռեքս Թիլերսոնի հրաժարականից հետո Սալիվանը որոշ ժամանակ աշխատել է որպես պետքարտուղարի պաշտոնակատար:

Ռուսաստանում ԱՄՆ դեսպանի պաշտոնում նա փոխարինել է օգոստոսին հրաժարական ներկայացրած Ջոն Հանթսման կրտսերին:

Ռուսաստանի արտգործնախարար Սերգեյ Լավրովը Սալիվանին բնութագրել է որպես «շատ փորձառու և արհեստավարժ դիվանագետ»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել