Նոր Նորք վարչական շրջանի ղեկավար Հայկ Մհերյանն աշխատանքից ազատման դիմում է ներկայացրել: Տեղեկությունը Tert.am-ի հետ զրույցում հաստատեց Երևանի քաղաքապետի մամուլի խոսնակ Հակոբ Կարապետյանը:
«Սեփական դիմումի համաձայն է ազատվել աշխատանքից՝ այլ աշխատանքի անցնելու կապակցությամբ»,- ասաց Հակոբ Կարապետյանը:
Մեր տեղեկություններով՝ Հայկ Մհերյանն աշխատանքի է անցնելու ոստիկանությունում։ Նշենք, որ Հայկ Մհերյանը մինչ Նոր Նորքի թաղապետի պաշտոնը ստանձնելը եղել է Ոստիկանության ակադեմիայի պետի տեղակալը:
Նոր Նորք վարչական շրջանի ղեկավարի պաշտոնակատար է նշանակվել վարչական շրջանի ղեկավարի տեղակալ Էդմոնդ Ղազարյանը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել