Panorama.am-ը գրում է.
2021 թվականին ամբողջությամբ կավարտվի համայնքների խոշորացման գործընթացը: Այս մասին այսօր լրագրողների հետ հանդիպման ժամանակ ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը:
Նախարարը նշեց, որ սուբվենցիոն ծրագրերից ավելի շատ կարողանում են օգտվել խոշոր և խոշորացված համայնքները, իսկ փոքր համայնքներն, ըստ նրա, ի վիճակ չեն այդ ծրագրերից օգտվել։
Սուրեն Պապիկյանի խոսքով՝ խոշոր համայնքները աչքի են ընկնում նաև կազմակերպական դրական միտումով: «Մենք կարծում ենք, որ համայնքների հետագա խոշորացումը մեր կառավարության առաջիկա անելիքների մեջ է: 2020 թվականին խոշորացումները լինելու են ըստ իրավիճակի: Այսինքն` եթե կունենանք համայնքներ, որտեղ կստեղծվեն իրավիճակներ, ինչպես օրինակ ստեղծվել է Իջևան համայնքում, մենք կխոշորացնենք այդ համայնքները»,-ասաց նախարարը։
Ամբողջական հոդվածը կարող եք կարդալ այստեղ: