Armenpress.am-ը գրում է.
Սանկտ Պետերբուրգում ընթանում է ԱՊՀ անդամ երկրների ղեկավարների ոչ պաշտոնական գագաթնաժողովը, որին մասնակցում է ՀՀ վարչապետ Նիկոլ Փաշինյանը: Ինչպես տեղեկացնում է «Արմենպրես»-ը, հանդիպումը բացել է Ռուսաստանի նախագահ Վլադիմիր Պուտինը, ով ելույթում նշել է, որ Հայրենական մեծ պատերազմում հաղթանակի 75-ամյակի տոնակատարությունների աշխատանքների վերաբերյալ պետությունների ղեկավարները համատեղ որոշումներ են կայացրել:
Նիստին մասնակցում է նաև Ադրբեջանի նախագահ Իլհամ Ալիևը:
Ավելի վաղ, վարչապետի մամուլի քարտուղար Վլադիմիր Կարապետյանը նշել էր, որ Նիկոլ Փաշինյան-Իլհամ Ալիև հանդիպում նախատեսված չէ, սակայն ԱՊՀ ղեկավարների ոչ պաշտոնական հանդիպումից հետո կայանալու է պաշտոնական ընթրիք, որին մասնակցելու են Հայաստանի վարչապետն ու Ադրբեջանի նախագահը: