««Իրավունք» թերթը պաշտոնական գրությամբ դեռևս նախորդ շաբաթ դիմել էր Երևանի քաղաքապետ Հայկ Մարությանին՝ խնդրելով տրամադրել ամանորյա ծախսերի մանրամասն նախահաշիվը: Եվ ահա երեկ ստացել ենք մեր հարցման գրավոր պատասխանը.
Ամանորյա տոներին նվիրված մշակութային միջոցառումների համար նախատեսվող ծախսեր.
Գեղարվեստական մասի ապահովում՝ «Ֆակտորի փրոդաքշն» ՍՊԸ- 137.868.720 ՀՀ դրամ:
Ձայնային, լուսային, լեդ էկրանների վարձակալություն և սպասարկում՝ «Լայթ Դիզայն» ՍՊԸ- 37.368.421 ՀՀ դրամ:
ժամանակավոր կոնստրուկցիաներով վերգետնյա անցումի պատրաստում՝ «ՀԱԷԿ- ի շինարարություն» ՓԲԸ- 44.000.000 ՀՀ դրամ:
Ձևավորման աշխատանքներ, դեկորացիաների պատրաստում՝ «Սթեյջ Սթայլ» ՍՊԸ- 66.702.300 ՀՀ դրամ:
Կրպակների պատրաստում, մոնտաժում, ապամոնտաժում՝ «Սթեյջ Սթայլ» ՍՊԸ- 39.857.700 ՀՀ դրամ:
Վարչական շրջանների աշխատակազմերը ամանորյա տոների ձևավորման և մշակութային միջոցառումների համար ծախսելու են.
Աջափնյակ՝ 6.634.000 ՀՀ դրամ
Ավան՝ 5.000.000 ՀՀ դրամ
Արաբկիր՝ 10.470.000 ՀՀ դրամ
Դավթաշեն՝ 2.180.000 ՀՀ դրամ
Էրեբունի՝ 8.990.000 ՀՀ դրամ
Կենտրոն՝ 3.287.000 ՀՀ դրամ
Մալաթիա-Սեբաստիա՝ 9.580.000 ՀՀ դրամ
Նոր Նորք՝ 6.980.000 ՀՀ դրամ
Նորք-Մարաշ՝ 1.366.000 ՀՀ դրամ
Նուբարաշեն՝ 2.277.000 ՀՀ դրամ
Շենգավիթ՝ 8.648.000 ՀՀ դրամ
Քանաքեռ-Զեյթուն՝ 1.500.000 ՀՀ դրամ:
Մեր հարցը մի փոքր այլ էր: Այսինքն՝ օրինակ՝ ի՞նչ է նշանակում «ժամանակավոր վերգետնյա անցումը», ինչո՞ւ է դրա վրա նման հսկայական գումար ծախսվում:
Կամ, ի՞նչ կոնկրետ «բացվածք» ունի «Ձևավորման աշխատանքներ, դեկորացիաների պատրաստում» ասվածը, որ դրա վրա ծախսվում է մի գումար, որը «նախորդ հանցավոր ռեժիմի» ժամանակներում ամանորյա ընդհանուր ծախսերի կեսն է: Ավելին՝ նկատելիորեն թանկ է, քան բոլոր համայնքների ծախսերը միասին վերցրած: Կամ այդ ի՞նչ կրպակներ են դնելու, որ Փաշինյանի ասած բրդուճնե՞րը ծախեն: Մի խոսքով՝ դեռ հուսանք, որ քաղաքապետարանն այս ընդհանրական, քիչ բան ասող թվերի փոխարեն իրական դետալացված նախահաշիվը կտրամադրի, որը հնարավորություն կտա հասկանալ՝ որքանո՞վ են արդարացված ամանորյա ահռելի ծախսերը»,-գրում է թերթը։
Նյութն ամբողջությամբ կարդացեք թերթի այսօրվա համարում:
