Սան Պաուլու Սանտյագո չվերթն իրականացնող ինքնաթիռը արտակարգ վայրէջք է կատարել Պորտու Ալեգրի քաղաքի օդանավակայանում, քանի որ ինքնաթիռում թռիչքի ժամանակ աղջիկ է ծնվել:

Բարեբախտաբար ինքնաթիռում եղել են շտապ օգնության միանգամից երկու բժիշկ և բուժքույր, որոնք օգնել են նորածնին լույս աշխարհ գալ:

Վայրէջքից անմիջապես հետո մայրը և նորածինը տեղափոխվել են հիվադանոց:

Բրազիլիական լրատվամիջոցների տվյալներով, չիլիացի զույգը տուն էր վերադառնում արձակուրդից: Չնայած կինը գտնվում էր հղիության իններորդ ամսում՝ բժիշկը նրան ավիաթռիչքներ կատարելու տեղեկանք էր տվել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել