News.am-ը գրում է.
Եթե Մեհրիբան Ալիևան ուզում է պարզապես երաժշտություն լսել, ապա այս ենթատեքստում պարզ է, որ ինչ–որ մեկը պետք է իրեն հրավիրի, որովհետև այլ ձև ԼՂՀ գալու ինքը չունի։ Այս մասին այսօր՝ դեկտեմբերի 10–ին, լրագրողների հետ զրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը՝ անդրադառնալով վարչապետի տիկին Աննա Հակոբյանի այն հայտարարությանը, որ ինքը Ադրբեջանի առաջին տիկին Մեհրիբան Ալիևային հրավիրում է Արցախ՝ մուղամ լսելու։
«Սա միայն հրավեր է, ենթատեքստը հետևյալն է՝ եթե ուզում եք Երևանում, կամ Շուշիում թեյ խմել, մի ձև կա. Երևան գալու համար ձեզ պետք է հրավիրի Հայաստանի կառավարությունը, Ստեփանակերտում թեյ խմելու համար համապատասխան ադրբեջանցի պաշտոնյային պետք է հրավիրի Արցախի ղեկավարությունը։ Սա էր ընդհանուր մոտեցումը»,– ասաց Իգիթյանը։
