Operativ.am-ը գրում է.

Հայաստան եկած ադրբեջանցի երեք լրագրող ինձ հետ զրույցում խոստովանել են, որ իրենց երկրում այլախոհություն չկա ղարաբաղյան հարցում։ Այս մասին լրագրողների հետ հանդիպման ժամանակ, դեկտեմբերի 6-ին ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։

Փորձագետը նշեց, որ դա իշխանությունների մտցրած գրաքննության արդյունքն է, ինչը հնարավորություն է տալիս կոնսոլիդացնել պատերազմի ժամանակ Հայաստանից հեռացած ադրբեջանցիներին։

«Դա արվում է, այդ թվում, Սեւանի, Զանգեզուրի եւ այլն իբր վերադարձի մասին հայտարարությունների միջոցով, որոնք հասարակությունում ոչ մի պատասխանի չեն արժանանում»,- ավելացրել է Իսկանդարյանը։

Նրա խոսքով՝ Հայաստանում միանգամայն այլ իրավիճակ է, եւ հասարակությունում խաղարկվում են ղարաբաղյան հարցի տարբեր սցենարներ ինչպես մամուլում, այնպես էլ քաղաքական դաշտում։

Հիշեցնենք, որ նոյեմբերի 17-21-ին տեղի ունեցավ լրագրողների փոխայցելություն. Հայաստանի եւ Ղարաբաղի ներկայացուցիչները մեկնեցին Ադրբեջան, իսկ ադրբեջանական մեդիայի ներկայացուցիչներն այցելեցին Հայաստան եւ Ղարաբաղ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել