Armsport.am-ը գրում է.
Մադրիդի «Ռեալի» կիսապաշտպան Բրահիմ Դիասը խոսել է իր զգացմունքների մասին մադրիդյան ակումբ տեղափոխվելուց հետո:
«Դա շատ հետաքրքիր էր, երբ հասկացա, որ պատրաստվում եմ խաղալ «Ռեալի» կազմում: Ես սպասում էի իմ հնարավորությանը և ուզում էի վայելել պահը և մարդկանց հաճելի պահեր պարգևել: Ամեն ինչ հիանալի անցավ:
Զիդանը հատուկ մարզիչ է: Մենք սերտ շփվում ենք, հիանալի հարաբերություններ ունենք: Ես ուրախ եմ, որ նա իմ մարզիչն է ու ես կարող եմ աշխատել նրա ղեկավարությամբ:
Ես վնասվածք ստացա Լա լիգայի առաջին խաղում և դա հարված էր ինձ համար: Ես երբեք անընդմեջ մի քանի անգամ լուրջ վնասվածքներ չեմ ունեցել: Պետք է հնարավորինս շուտ վերականգնվել, հիմա ամեն ինչ անցյալում է:
Հիմա ես ինձ լավ եմ զգում. խաղային քաղց ունեմ: Ես մարզվում եմ, որպեսզի մարզիչը կարողանա ինձ դաշտ դուրս բերել», – ասել է Դիասը: