Hraparak.am-ը գրում է.
ԱԺ Պետաիրավական հարցերի հանձնաժողովի նիստը բավականին թեժ է անցնում: Պատճառը արդարադատության նախարարության բերած ՍԴ անդամներին վաղաժամ կենսաթոշակի ուղարկելու վերաբերյալ նախագիծն է, որին բուռն ընդդիմանում Էր ԲՀԿ-ական պատգամավոր Գևորգ Պետրոսյանը:
Նա հարց ուղղեց հարցի հարակից զեկուցող, «Իմ քայլի» պատգամավոր Սուրեն Գրիգորյանին, թե կոնկրետ որ որոշման համար է անվստահություն առաջացել Սահմանադրական դատարանի նկատմամբ: Գրիգորյանը հստակ պատասխան չտվեց, Պետրոսյանն Էլ արձանագրեց, որ պատգամավորը չպատասխանեց իր հարցին:
«Պարոն Պետրոսյան, սա քննություն չի, ես էլ Ձեր ուսանողը չեմ», -ասաց Սուրեն Գրիգորյանը:
«Որ իմ ուսանողը լինեիք, էստեղ նստած չէիք լինի»,-հակադարձեց Պետրոսյանը, ինչն Էլ առաջացրեց հանձնաժողովի նախագահ Վլադիրմիր Վարդանյանի վրդովմունքը: Նա կոչ արեց չվիրավորել միմյանց:
