Այս վիտամինի անբավարարության դեպքում մեծանում է օստեոպորոզի, 2-րդ տիպի շաքարախտի, ինչպես նաև հիպերտոնիայի զարգացման վտանգը:
Բժիշկներն անվանել են ձմռան հիմնական խնդրի՝ վիտամին D-ի անբավարարության հիմնական ախտանիշները: Այս մասին հոդված է հրապարակել Focus ամսագիրը:
Վիտամինի անբավարարությունը կարող են մատնանշել ցավերը վերջույթներում և ոսկորներում, առավոտյան հոդերի քիչ շարժունությունը, ավելորդ քաշը, գլխի ուժեղ քրտնարտադրությունը, աղիների հետ կապված խնդիրները և ընկճախտը:
Բոստոնի համալսարանի բժշկական կենտրոնի բժշկության, ֆիզիոլոգիայի և կենսաֆիզիկայի պրոֆեսոր Մայքլ Ֆ. Հոլիքան ասել է, որ օրգանիզմն անհրաժեշտ քանակությամբ վիտամին D-ով ապահովելու համար մարդը պետք է արևի տակ լինի օրական 15-20 րոպե:
Ընդ որում, անբավարարություն կարող է առաջանալ նույնիսկ վիտամին D պարունակող սնունդ օգտագործելու դեպքում, քանի որ դրա ամենակարևոր աղբյուրը արևի լույսն է:
