«Ժողովուրդ» թերթը գրում է․ ««Ժողովուրդ» օրաթերթի խմբագրություն դիմած դատախազները տեղեկացրել են, որ իրենցից որեւէ մեկը երբեւէ դատախազների համար կարվող ձմեռային վերարկու չի հագել, բայց այսօր էլ Գլխավոր դատախազությունը շարունակում է ձմեռային վերարկուներ պատվիրել:
Այս առնչությամբ «Ժողովուրդ» օրաթերթին Գլխավոր դատախազությունից պարզաբանել են, թե կառավարության որոշումով դատախազներին ձմեռային վերարկու եւ անձրեւանոց հատկացվում է 3 տարին մեկ անգամ, եւ 2017-ին ու 2018-ին դատախազներին վերարկուներ չեն հատկացրել: Դատախազության հանրային կապերի բաժնից «Ժողովուրդ» օրաթերթին տեղեկացրել են. «2019 թվականի համար մրցութային կարգով իրականացվել է այդ հագուստի ձեռքբերման գործընթաց»: Եւ, ահա, դատախազները դարձյալ չեն լռում:
«Ժողովուրդ» օրաթերթին դժգոհել են` եթե այդ վերարկուներն իրենք ո՛չ հագնում են, ո՛չ էլ նույնիսկ պահում պահարանում, ո՞րն է եղել այդ մրցույթն անցկացնելու, դրանք դարձյալ պատվիրելու նպատակը, եւ ինչպե՞ս է պատահում, որ եւ՛ 2016-ին, եւ՛ 2019-ին մրցույթը հենց նույն կազմակերպությունն է հաղթում: «Ժողովուրդ» օրաթերթը պարզել է նաեւ, որ Գլխավոր դատախազության վարչությունների թիվն էլ ավելացել է` 9-ից 12-ը դառնալով»:
Ամբողջությամբ կարող եք կարդալ թերթի այսօրվա համարում:
