Tert.am-ը գրում է.
«Հայոց լեզուն», «Հայ գրականությունը», «Հայոց պատմությունը» մեր ազգի կարևորագույն արժեքներն են, մենք թույլ չենք տա, որ ոտնահարեն այդ արժեքները: Այս մասին լրագրողների հետ զրույցում ասաց Հյուսիսային համալսարանի ուսանողական խորհրդի նախագահ Անի Ալեքսանյանը:
Նշենք, որ Հյուսիսային համալսարանի ուսանողները դասադուլ են արել և միացել ԵՊՀ ուսանողների և ՀՅԴ ՀԵՄ անդամների՝ ԿԳՄՍ նախարար Արայիկ Հարությունյանի հրաժարականի պահանջին:
«Մենք ուզում ենք հասարակությանը կոչ անել, որ անտարբեր չանցնեն: Ուղղակի զարմանում եմ՝ ինչպես են մարդիկ անտարբեր անցնում ու չեն միանում մեր երթին»,- ասաց նա:
Անի Ալեքսանյանի խոսքով՝ երթի դուրս եկածներից յուրաքանչյուրն իր պահանջներն ունի:
«Համալսարանում անհամաձայնություն ունենք, բայց պայքարելու ենք մինչև վերջ, սա յուրաքանչյուրիս իրավունքն է»,- նշեց նա և հավելեց, որ Հյուսիսային համալսարանի ուսանողները միանալու են նստացույցին:
Ամբողջական հոդվածը կարող եք կարդալ այստեղ: