Operativ.am-ը գրում է.

Ռուսաստանի եւ Չինաստանի առաջնորդներն անթույլատրելի են համարում միջամտությունը այլ երկրների քաղաքականությանը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը:

«Մոսկվայի եւ Պեկինի տեսանկյունները համընկնում են՝ կապված այլ երկրների ներքին գործերին, արժեհամակարգին որեւէ միջամտության անթույլատրելիության հետ»,- ասել է նա:

Նոյեմբերի 13-14-ը Բրազիլիայում BRICS-ի երկրների գագաթաժողով է անցկացվում, որին մասնակցում է ՌԴ նախագահ Վլադիմիր Պուտինը: Ֆորումի ընթացքում նա հանդիպել է Չինաստանի ղեկավար Սի Ցզինփինի հետ: Երկու պետությունների ղեկավարները քննարկել են երկկողմ հարաբերությունները, առաջին հերթին, առեւտրատնտեսական հարցերը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել