«Փաստ» թերթը գրում է.
«Մի քանի օր է՝ Ազգային ժողովի «Իմ քայլը» խմբակցության մի որոշ մասը ցնցումների մեջ է: Ի՞նչն է այսպես խաթարել «քայլողների» հոգեկան ու հոգեբանական անդորրը:
Պարզվում է՝ գտնվել է մի պատգամավոր, որը հանդգնում է դեմ խոսել միասեռականներին, դեմ խոսել Հայաստանում դրանց հնարավոր ամուսնությանն ու երեխա որդեգրելուն: Ավելին, իրեն «թույլ է տվել» համապատասխան օրենքի նախագիծ ներկայացնել:
Իսկ ի՞նչ պիտի անեին «սորոսականությունը» որպես ուղենիշ ընտրած, սեռափոխության մասին ֆիլմին 20 մլն դրամ տրամադրող, ազգային արժեքների, Հայ Առաքելական եկեղեցու, հայերենի ու հայագիտականի դեմ պայքարի ճանապարհով գնացող իշխանականները:
Պարզ է՝ պիտի դեմ քվեարկեին նման օրենքի նախագիծը նույնիսկ օրակարգում ընդգրկելուն: Սակայն ամեն ինչ չավարտվեց դեմ քվեարկելով:
Սակայն ամենացավալին «Իմ քայլը» խորհրդարանական խմբակցության այն պատգամավորների վիճակն է, որոնք իսկապես ազգային կեցվածք ունեն, արժանապատվություն ունեն, հոգու խորքում հասկանում են, որ իրենց թիմը, մեղմ ասած, անընդունելի ճանապարհով է գնում, սակայն պարտավոր են առաջ տանել թիմի քաղաքական գիծը:
Վստահ ենք՝ նման մարդիկ քիչ չեն իշխող քաղաքական ուժի շարքերում, պարզապես անզոր են և, հաշվի առնելով իրենց բարոյական նկարագիրը, դեմ չեն գնում թիմին:
Իսկ մանիպուլյացիաները, թե որևէ թեմայի մասին շատ խոսելով են հենց նպաստում այդ երևույթների տարածմանը, ուղղակի որևէ քննադատության չեն դիմանում:
Այդ նույն հաջողությամբ, Նիկոլ Փաշինյանն ամեն օր խոսել է ու խոսում է կոռուպցիայի դեմ պայքարի անհրաժեշտության մասին, այլ հարցերի մասին:
Մանրամասն՝ թերթի այսօրվա համարում
