Անգլիայի Յորքշիր կոմսության Լիդս քաղաքում դատավորը չեղարկել է ինտիմ հարաբերություններ ունենալու կնոջ նկատմամբ սահմանված արգելքը, հաղորդում է Metro-ն:
Ութ տարի առաջ դատավոր Մարկ Հեդլին, որը զբաղվում էր ինքնուրույն որոշումներ կայացնելու ոչ ունակ մարդկանց բարօրությամբ, եզրակացրել էր, որ իր մեղադրյալը մտավոր հետամնաց է: Նա վճիռ էր կայացրել, ըստ որի, կինն ի վիճակի չէր վերահսկել իր սեռական հարաբերությունները և պետք է ժամանակավորապես հրաժարվեր սեքսից:
2019 թ.-ին Հեդլին վերանայել է գործը և նշել, որ կինը վերականգնողական կենտրոնից տեղափոխվել է իր տուն՝ ամենօրյա օգնության տրամադրմամբ և «էական առաջընթաց» է գրանցել: Դատավորը գտել է, որ նա պատրաստ է գիտակցված որոշումներ կայացնել և թույլատրել է ինտիմ հարաբերություններ ունենալ:
Դատավորը նաև նշել է, որ կինը դեռևս սոցիալական աշխատողների հսկողության և խնամքի կարիք ունի:
