Operativ.am-ը գրում է․

Կինը, որն ԱՄՆ նախագահ Դոնալդ Թրամփին մեղադրել է բռնաբարության մեջ, նրա դեմ նաեւ հայց է ներկայացրել՝ մեղադրելով զրպարտության մեջ, հայտնում է Bloomberg-ը։

Ջին Քերոլը պնդում է, որ Թրամփը իբր 20 տարի առաջ բռնաբարել է իրեն Մանհեթենի Bergdorf Goodman հանրախանութի հանդերձարանում։ Նա գիրք է գրել, որտեղ նկարագրել է այդ միջադեպը։ Երբ ԶԼՄ-ներում հայտնվել են մանրամասները, Թրամփը հերքել է դրանք, ինչը, ըստ Քերոլի, «վնասել է իր վարկանիշին»։ «Թրամփը հանդես է եկել մի շարք սուտ եւ զրպարտող հայտարարություններով։ Ուղիղ հայտարարությունների միջոցով նա Քերոլին մեղադրել է բռնաբարության մասին ստի մեջ՝ հանուն գրքի վաճառքի, Դեմոկրատական կուսակցության հետ դավադրությունը առաջ տանելու եւ փող աշխատելու»,- ասվում է հայցում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել