Իր վեցշաբաթյա արձակուրդի նախօրեին Մեգան Մարքլը ակտիվորեն հասարակական կարևոր միջոցառումների է մասնակցում:
Այսպես՝ դքսուհին նոր հրուշակարանի բացմանն է մասնակցել և հերթական անգամ իր հագուստը քննարկելու առիթ է տվել:
Այս շաբաթ Մեգան Մարքլը Լոնդոնի կենտրոնում երկրորդ հրուշակարանի՝ Luminary Bakery-ի բացմանն է մասնակցել:
Սեփականատերերը պաշտոնապես հրավիրել են դքսուհուն միջոցառմանն այն բանից հետո, երբ նա հաստատության մասին պատմել է բրիտանական Vogue-ի էջերում:
Սասեքսի դքսուհին ներկայացել է գծավոր օվերսայզ վերնաշապիկով և կապույտ սքինի ջինսով: Ամենօրյա կերպարը լրացրել են սպիտակ կեդերը:
Հանդիսավոր բացման ժամանակ Մեգանը մասնակցել է տորթերի պատրաստման վարպետաց-դասին և ջերմորեն շփվել է աշխատակիցների հետ:
The Telegraph պարբերականի թղթակցի խոսքերով, որը նույնպես մասնակցել է միջոցառմանը, Մեգան Մարքլը խնդրել է լրագրողներին իրեն «դքսուհի»-ով չդիմել, չնայած որ դա անհրաժեշտ է ըստ արարողակարգի:
