Նորմայից ավելի աշխատելը կարող է ազդել ճաղատացման վրա: Ինչպես հայտնել է Ladbible-ը, այս եզրակացությանն են եկել Հարավային Կորեայի հետազոտողները։
Տղամարդիկ, որոնք շաբաթական աշխատում են 52 ժամից ավելի, երկու անգամ ավելի հաճախ են ճաղատանում: Թեեւ սովորական գրաֆիկը ենթադրում է շաբաթական 40 աշխատանքային ժամ, հաճախ աշխատողներից շատերն ավելի երկար են մնում գրասենյակում:
Հետազոտության մեջ ուսումնասիրվել են Հարավային Կորեայում ապրող 20-ից մինչեւ 59 տարեկան 13 հազար տղամարդու տվյալները: Արդյունքների համաձայն, գերաշխատանքի դեպքում առաջացող սթրեսը կարող է հորմոնալ փոփոխությունների հանգեցնել գլխամաշկում եւ դանդաղեցնել մազի գեղձաբշտիկների աճը: Իմունային համակարգն ինքը սթրեսի պատճառով կարող է գրոհ սկսել մազածածկույթի դեմ:
Հետազոտության մեջ, գերաշխատանքից բացի, հաշվի են առել նաեւ այլ պատճառներ, օրինակ, ծխելը, եկամտի մակարդակը: Սակայն, ճաղատության առկայության վրա ամենից ավելի շատ ազդում է հենց սթրեսի գործոնը: Գործատուները կոչ են արել ուշադրություն դարձնել դրա վրա եւ տղամարդկանց համար սահմանափակել աշխատաժամանակը: Դա ամենից ավելի հարկավոր է 20-ից մինչեւ 30 տարեկան տղամարդկանց, երբ հայտնվում են ճաղատանալու առաջին նշանները:
