Armlur.am-ը գրում է.

Հայաստանում Սահմանադրական դատարանի շուրջ տեղի ունեցող վերջին իրադարձությունները երկրում տեղի ունեցած իշխանազավթման հետևանքն է: Այս իշխանությունը չսահմանափակվեց Նիկոլ Փաշինյանին վարչապետ կարգելով, չսահմանափակվեց Ազգային ժողովի նկատմամբ հակասահմանադրական ճնշումների միջոցով արտահերթ ընտրություններ կազմակերպելու գործողություններով, ընդ հուպ մինչև Սահմանադրական դատարան: 

«Սահմանադրական դատարանը և անձամբ Հրայր Թովմասյանը մնացել են Նիկոլ Փաշինյանի կոկորդին: Նա կուլ տվեց իշխանության մնացած երկու ճյուղերը, ու դեռ մարսել է, բայց երրորդ ճյուղը, ի դեմս Սահմանադրական դատարանի, մնացել է կոկորդին: Ես ամիսներ առաջ եմ զգուշացրել, որ նա չի մարսելու ՍԴ-ի և Հրայր Թովմասյանի դեմ սկսված արշավը: Պետք չէր ամբողջ ծովը խմել, որպեսզի հասկանալ , որ այն աղի է»,-ասաց Արմեն Աշոտյանը:

Մեր զրուցակցի խոսքով՝ Նիկոլ Փաշինյանի նպատակն է Հայաստանում ունենալ տոտալ իշխանություն:

«Նիկոլ Փաշինյանը թողած ներքին և արտաքին իրական խնդիրները, բազմաթիվ մարտահրավերները, որն իր օրոք միայն ավելի շատացել ու վտանգավոր են դարձել, նա զբաղված է Ռոբերտ Քոչարյանի գործին ածանցվող բոլոր մնացած ինստիտուտներով»,-եզրափակեց ՀՀԿ փոխնախագահը:

Ինչպես արդեն հայտնի է, երեկ Ազգային ժողովի աշխատակազմի ղեկավարի նախկին տեղակալ Արսեն Բաբայանին մեղադրանք էր առաջադրվել իշխանությունը յուրացնելուն օժանդակելու և պաշտոնատար կեղծիք կատարելու համար։

Նշենք,  նաև նույն քրեական գործի շրջանակներում որպես կասկածյալ է ներգրավվել ԱԺ նախկին նախագահ Արա Բաբլոյանը` իշխանությունը յուրացնելու կասկածանքով, տեղեկացնում է Հատուկ քննչական ծառայությունը (ՀՔԾ)։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել