«Արցախը Հայաստան է, և վե՛րջ» հայտարարությունից հետո մեր կառավարությունում 2020թ. համար նախատեսվել է մի բյուջե, որով գրեթե փոփոխության չեն ենթարկվել ռազմական ոլորտին առնչվող ծախսերը։

«Արցախը Ադրբեջան է»,- հայտարարել է Ալիևը՝ վերջում բացականչական նշան դնելով։

2020թ. համար Ադրբեջանն ավելացրել է ռազմական բյուջեն ավելի քան 20 տոկոսով։

Ադրբեջանի ռազմական բյուջեն գերազանցում է մերը մի քանի անգամ։ Մեր ոխերիմ հարևաններն ակնհայտորեն պատրաստվում են պատերազմի, և այդ մասին են վկայում այն կադրային փոփոխությունները, որոնք տեղի ունեցան Ադրբեջանում։ Մասնավորապես՝ վարչապետի փոփոխությունը. դիվանագետին փոխարինեց տնտեսական մարդը։ Դա կարելի է մեկնաբանել որպես բանակցային ոլորտի մասնագետի փոփոխություն թիկունքի պետով։

Հայաստանում խոսքն ու գործն իրար չեն համապատասխանում։ Կա ասիմետրիա մեր ու Ադրբեջանի գործողություններում։ Այս ամենից հետո եզրակացություններ անելը դժվար չէ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել