2018 թվականի մարտի 2-ին Ազգային ժողովում 105 պատգամավորներից 93-ի քվերակության արդյունքում 2 անվավեր ճանաչված քվեաթերթիկով, 64 կողմ և 27 դեմ ձայներով Հրայր Թովմասյանն ընտրվել է Սահմանադրական դատարանի անդամ և ԱԺՈ-008-Ա որոշմամբ նշանակվել է այդ պաշտոնում:
ՀՀ կենտրոնական ընտրական հանձնաժողովը 2018 թվականի մարտի 2-ին գումարել է արտահերթ նիստ, որի ընթացքում կազմել է արձանագրություն` պատգամավորի մանդատը Հայաստանի Հանրապետական կուսակցության համապետական ընտրական ցուցակի հերթական հաջորդ թեկնածու Տաճատ Վարդապետյանին տալու վերաբերյալ:
«Հիմք ընդունելով ՀՀ Ազգային ժողովի նախագահի` «Հայաստանի Հանրապետության Ազգային ժողովի պատգամավոր Հրայր Թովմասյանի պատգամավորական լիազորությունները դադարած համարելու մասին» արձանագրությունը և ղեկավարվելով Ընտրական օրենսգրքի 100-րդ հոդվածի 3-րդ մասով՝ ՀՀ կենտրոնական ընտրական հանձնաժողովը կազմել է արձանագրություն` պատգամավորի մանդատը Հայաստանի Հանրապետական կուսակցության համապետական ընտրական ցուցակի հերթական հաջորդ թեկնածու Տաճատ Վարդապետյանին տալու վերաբերյալ»:
Մարտի 13-ին Ազգային ժողովի նախագահ Արա Բաբլոյանը հայտարարել է այն մասին, որ Սահմանադրական դատարանի դատավոր Հրայր Թովմասյանի թեկնածությունն է առաջարկում ՍԴ նախագահի թափուր պաշտոնում: Իսկ մարտի 21-ին խորհրդարանը գաղտնի քվեարկությամբ կրկին 64 կողմ և 27 դեմ ձայնով Հրայր Թովմասյանին ընտրել է ՍԴ նախագահ և ԱԺՈ-009 որոշմամբ նա նշանակվել է այդ պաշտոնում:
Հ.Գ. Ինչպես կասեր Ձեր «դասականը», հանգիստ նստեք տեղներդ:
