Մեծ Բրիտանիայից ժամանած զբոսաշրջիկը երեկույթի ընթացքում կորցրել է իր անձնագիրը, որից հետո այն գտել է միջոցառման ընթացքում արված լուսանկարների շնորհիվ: Այդ մասին հայտնում է The Sun- ը:
21-ամյա Բոբբի Քուքը ընկերուհու՝ Բեքայի հետ մեկնել է Իբիցա: Արձակուրդի երկրորդ օրը աղջիկները գնացել են ակումբ, և որոշ ժամանակ անց Քուքը նկատել է, որ կորցրել է իր անձնագիրը: Ընկերուհին հավաստիացրել է, որ անձնագիրը թոել է հյուրանոցում, սակայն աղջիկը այդպես էլ չի գտել այն։
Հաջորդ օրը նա ստիպված է եղել այցելել բրիտանական հյուպատոսություն, որպեսզի շտապ ձեռք բերի ինքնության քարտ: Հայցը մշակվել է չորս օրվա ընթացքում, ինչի պատճառով աղջիկը բաց է թողել վերադարձի թռիչքը և ստիպված է եղել 340 ֆունտով նոր տոմս գնել:
Իբիցայում գտնվելու վերջին օրը Քուքը սկսել է վերանայել արձակուրդի լուսանկարները և հանկարծ պարզել է, որ երեկույթի նկարներից մեկում իր կողքին հատակին ընկած է անձնագիրը: Նա լուսանկարը տեղադրել է սոցցանցերում, և անձնագիրը արագ վերադարձվել է։
