168.am-ը գրում է․
Մեծ Բրիտանիան ԵՄ-ից դուրս գալուց հետո կվերածվի Եվրոպայի նոր մրցակցի, ինչի կապակցությամբ Եվրամիությանը հարկավոր կլինի էլ ավելի մրցունակ դառնալ: Այս կարծիքը հոկտեմբերի 15-ին հայտնել է Գերմանիայի կանցլեր Անգելա Մերկելը՝ Բեռլինում ելույթ ունենալով Գերմանական մեքենաշինության միության նիստում։
«Մեծ Բրիտանիան նոր մրցակցի կվերածվի հենց Եվրոպայի դարպասի մոտ»,-ասել է նա: Այդ կապակցությամբ, ԳԴՀ-ի կանցլերի կարծիքով, ԵՄ-ին հարկ կլինի է ավելի մեծ ջանքեր գործադրել «իր մրցունակությունը բարձրացնելու» համար:
Մերկելն ընդգծել է, որ Գերմանիայի իշխանությունները «մինչեւ վերջին րոպեն աշխատելու են» հասնել կանոնակարգված Brexit-ի: Նա նշել է Լոնդոնի հետ դժվարին բանակցությունները իռլանդական սահմանի հարցում, հաղորդել է ՏԱՍՍ-ը:
Նյութի աղբյուր՝ https://168.am/2019/10/15/1188949.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել