Tert.am-ը գրում է.
Այսօր մինչ Հրայր Թովմասյանի լիազորությունները դադարեցնելու վերաբերյալ գործի քննությունը մերժելու՝ ՍԴ-ի որոշումը, ՍԴ նախագահ Հրայր Թովմասյանը պատասխանել է լրագրողների հարցերին: Նա նշել է, որ կարճատև արձակուրդ է վերցրել գործի անաչառ քննության համար:
«Ես մտածեցի, որ անգամ իմ ֆիզիկական ներկայությունը, նստել և ոչինչ չասել չէր ստացվի, անգամ եթե քեզ է վերաբերում, ևս խնդիր է, իսկ ՍԴ-ն չունի ընթացակարգ, որ այս նիստին կարող եմ չմասնակցել: Կարող էի, իհարկե, արձակուրդ չվերցնել, պարզապես նիստին չգնալ, դա, կարծում եմ, ճիշտ չէր լինի»,-նշել է նա:
Ըստ Թովմասյանի՝ վարույթ ընդունվելու դեպքում ավտոմատ կկասեցվեն իր լիազորությունները: Հարցին, թե մինչև վերջ պայքարելու է ՍԴ նախագահի պաշտոնում մնալու համար, Թովմասյանը պատասխանել է. «Ի՞նչ է նշանակում պայքարել, ես չեմ պայքարում, ես սովորական իմ աշխատանքն եմ անում, գալիս եմ աշխատանքի, իմ աշխատանքն են անում, գնում եմ տուն»:
Թովմասյանը չի մեկնաբանել նախագծում իր լիազորությունների կասեցնելու հիմքերը:
Ամբողջական հոդվածը կարող եք կարդալ այստեղ
