Tert.am-ը գրում է.
ԵՊԲՀ հոգաբարձուների խորհրդի որոշ անդամների կողմից տարբեր հարթակներում արվում են որոշակի հայտարարություններ, որոնք պարզապես կոչված են որոշակի լարվածություն ստեղծել համալսարանի շուրջ: Այս մասին Tert.am-ի հետ զրույցում ասաց Մ. Հերացու անվան Երևանի պետական բժշկական համալսարանի հոգաբարձուների խորհրդի նախագահ Վահան Արծրունին:
«Սա, կարծում եմ, արդեն հստակ քաղաքականության տեսք ունի, որովհետև ոչ եզակի դեպքեր ենք արձանագրում»,-ասաց նա:
Հարցին` ի՞նչ է նշանակում առողջապահության նախարար Արսեն Թորոսյանի հայտարարությունը, թե ԵՊԲՀ հոգաբարձուների խորհրդի այլ կազմ էր ուզում ձևավորել, բայց ստացավ այլ կազմ, Վահան Արծրունին պատասխանեց. «Սա նշանակում էր պաշտոնեական դիրքի չարաշահում նախ և առաջ, որովհետև ԵՊԲՀ-ն գտնվում է այլ գերատեսչության տիրույթում՝ ոչ թե Առողջապահության նախարարության, այլ ԿԳՄՍ նախարարության: Երկրորդ` ես ուղղակի կապ եմ տեսնում Առողջապահության նախարարի և հոգաբարձուների խորհրդի որոշ անդամների հայտարարությունների միջև: Արդյո՞ք հոգաբարձուների խորհրդի այն անդամները, որոնք այսօր հայտարարում են Բժշկական համալսարանի «խնդիրների» մասին, խոսում են ի օգուտ Բժշկական համալսարանի, որովհետև մենք ակնհայտորեն տեսնում ենք իրենց հայտարարությունների կապը այլ գերատեսչության ղեկավարի դրույթների հետ»:
Հոգաբարձուների խորհրդի կազմը բաղկացած է 32 անդամից, 16 հոգին առաջադրված է համալսարանի կողմից, 16-ը` կառավարության կողմից, և Վահան Արծրունին` որպես հանրային ներկայացուցիչ:
Ամբողջական հոդվածը կարող եք կարդալ այստեղ
