Ամերիկյան քաղաքներից մեկում տեղական իշխանությունները բնակիչներին խնդրել են չլվանալ հագուստը, հաղորդում է CNN-ը:
Անսովոր խնդրանքի պատճառ է հանդիսացել քաղաքի ջրամատակարարման համակարգում երկաթի պարունակության չափազանց բարձր մակարդակի հայտնաբերումը:
Միջադեպը տեղի է ունեցել Հյուսիսային Կարոլինայի ծովափնյա Սերֆ-Սիթի քաղաքում: Բնակիչները ընդառաջել են իշխանությունների խնդրանքին և հրաժարվել են լվացքից:
Քաղաքային իշխանությունները հաղորդել են, որ ջուրը վտանգավոր չէ սպառման համար, բայց երկաթի այդպիսի բարձր պարունակությունը վատ է հագուստի համար. լվացքի ժամանակ այն կարող է վնասվել:
Մարդիկ կարող են վերսկսել լվացքի գործընթացը ջրամատակարարման համակարգից ավելորդ երկաթը հեռացնելուց հետո:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել