Հայաստանում գործազրկության մակարդը 2019թ-ի երկրորդ եռամսյակում նախորդ տարվա նույն ժամանակահատվածի նկատմամբ նվազել է 2.6 տոկոսային կետով՝ կազմելով 17.7 տոկոս:

Ինչպես հայտնում է «Արմենպրես»-ը՝ Վիճակագրական կոմիտեի տվյալների համաձայն՝ գործազուրկների թիվն ընթացիկ տարվա երկրորդ եռամսյակում կազմել է 207.2 հազար մարդ՝ նախորդ տարվա նույն ժամանակահատվածի 236.4 հազարի դիմաց:

Հատկանշական է, որ գործազրկության մակարդակը երկրորդ եռամսյակում էականորեն՝ շուրջ 4.2 տոկոսով նվազել է առաջին եռամսյակում արձանագրված գործազրկության համեմատ:

2019թ. երկրորդ եռամսյակում նախորդ տարվա նույն ժամանակահատվածի համեմատ 1.6 տոկոսով բարձրացել է զբաղվածության մակարդակը՝ կազմելով 47.9%:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել