Aysor.am-ը գրում է.
Առաջին կարգի հաշմանդամություն ունեցող, աջ ոտքն ամպուտացված Հասմիկ Սմոյանը տարակուսած է. էլեկտրասրտագրության և էխոսրտագրության համար Սուրբ Գրիգոր Լուսավորիչ հիվանդանոցում իրենից գումար են պահանջել, մինչդեռ նա այս հետազոտությունները պետք է անցներ անվճար՝ պետպատվերի շրջանակներում։
Aysor.am-ի թղթակցի հետ զրույցում նա պատմեց, որ նախորդ ուրբաթ իրեն վատ է զգացել, հաշմանդամությունը վկայող բոլոր փաստաթղթերով գնացել է վերոնշյալ բուժհաստատություն, որպեսզի բուժզննում անցնի։
«էլեկտրասրտագրություն և էխոսրտագրություն անելու ժամանակ ինձ գումարի մասին ոչինչ չասացին։ Միայն ասացին, որ հետազոտությունները ոչինչ ցույց չեն տալիս, պետք է արյան անալիզ անել։ Ասացի՝ արեք։ Ասացին՝ պետք է վճարեք։ Զարմացա, հարցրեցի՝ ինչպե՞ս վճարեմ, հաշմանդամության առաջին կարգ ունեմ։ Բայց պատասխանեցին, որ ձևն այդպես է։ Ավելի ուշ պարզվեց, որ պետք է վճարեմ նաև սրտի հետ կապված ստուգումների համար։ Պատանդի նման ինձ որոշ ժամանակ սպասեցրեցին՝ սպառնալով, որ եթե անգամ հեռանամ, անձնագրիս տվյալներն ունեն։ Բայց ես, միևնույն է, գնացի հիվանդանոցից», - պատմեց Հասմիկ Սմոյանը։
Ամբողջական հոդվածը կարող եք կարդալ այստեղ
