Aysor.am-ը գրում է.

ՍԴ դատավորի լիազորությունները դադարեցնելու հարցի քննարկման ժամանակ ԲՀԿ խմբակցության պատգամավոր Շաքե Իսայանն անդրադարձավ այն իրավական հիմքերին, որոնք թույլ են տալիս կարգապահական վարույթ հարուցել.

«Մեխը էական կարգապահական խախտումն է, այս մասով ՍԴ մասին օրենքի 12-րդ հոդվածի 3-րդ կետը հստակ սահմանում ունի՝ էական կարգապահական խախտում է ՍԴ դատավորի ՍԴ դատարանի նիստերից առանց հարգելի պատճառի մեկ տարվա ընթացքում 3 և ավելի անգամ բացակայելը, 2 նկատողություն կամ 1 խիստ նկատողություն ունեցող ՍԴ դատարանի դատավորի կրկին կարգապահական խախտում կատարելը, և ՍԴ նախագահի այնպիսի արարք կատարելը, որը վարկաբեկում է ՍԴ հեղինակությունը կամ որն անհամատեղելի է դատավորի պաշտոնի հետ: Ստացվում է, եթե նույնիսկ ներկայացված իրավական ակտը դիտարկենք այս տեսանկյունից, ապա էական կարգապական խախտման հայտնի դառնալու վերջին դեպքը գրանցվել է սույն թվականի հունիսի 21-ին այսինքն՝ ավելի քան 3 ամիս առաջ», - ասաց Իսայանը:

Նա նկատեց, որ ԱԺ կանոնակարգի համաձայն՝ ԱԺ-ն կարող է որոշման նախագիծ ներկայացնել խախտումը կատարելը հայտնի դառնալուց հետո երկշաբաթյա ժամկետում՝ նշելով, որ այդ ժամկետը խախտված է: Իսայանը հետաքրքրվեց՝ ինչու՞ դա ավելի շուտ չի արվել Հրայր Թովմասյանի մասնակցությունը Քոչարյանի գործի քննությանը կանխելու համար:

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել