Եթովպիայում, խորհրդավոր պայմաններում, զոհվել է վիճակախաղում միլիոնավոր կանադական դոլարներ շահած տղամարդը, հայտնում է CBC News-ը:
Մայքլ Գեբրուն ծնվել և մեծացել է Եթովպիայում: Հետագայում նա տեղափոխվել է Կանադա, ստացել Կանադայի քաղաքացիություն և աշխատանքի ընդունվել գործարանում: 2017-ին տղամարդը գործազուրկ է դարձել: Նա վիճակախաղի տոմս է գնել և իր համար անսպասելի 10.7 միլիոն կանադական դոլար է շահել:
Գեբրուն լրագրողներին խոստովանել է, որ ցանկանում է այցելել և տուն գնել Ջամայկայում: Բացի այդ, նա նախատեսում էր շահած գումարն օգտագործել ի շահ ուրիշների: «Ես միշտ ասում էի, որ եթե շահեմ վիճակախաղում, կօգնեմ կարիքավորներին»,- հայտարարել էր տղամարդը:
Նրա հարազատները պնդում են, որ Գեբրուն իր խոսքի տերն էր: Միլիոնատեր դառնալով նա հաճախէր այցելում Եթովպիա և փորձում էր նախկին հայրենակիցների կյանքը փոխել դեպի լավը:
Մոտ երկու շաբաթ առաջ տղամարդը կրկին ուղևորվել է Աֆրիկա, և մի քանի օր անց Կանադայում գտնվող Գեբրայի հարազատները իմացել են նրա մահվան մասին: Նրանք կասկածում են, որ Մայքլին սպանել են փողի պատճառով և հույս ունեն Եթովպիայում Կանադայի դեսպանատան օգնությամբ տեղի ունեցածի վերաբերյալ լրացուցիչ տեղեկատվություն ստանալ:
