168.am-ը գրում է.
Իսպանիայի Ֆիլիպ VI թագավորը սեպտեմբերի 24-ին ստորագրել է հրամանագիր խորհրդարանի երկու պալատների արձակման եւ նոյեմբերի 10-ին նոր ընդհանուր ընտրությունների նշանակման վերաբերյալ: Այդ մասին ասված է Պատգամավորների կոնգրեսի (խորհրդարանի ստորին պալատի) մամուլի տեղեկագրում:
Փաստաթուղթն ուժի մեջ կմտնի սեպտեմբերի 24-ին Կառավարական պաշտոնական տեղեկագրում հրապարակումից հետո:
Ընթացիկ տարվա ապրիլի 28-ին թագավորությունում արդեն կայացել է ընտրողների կամարտահայտումը, որի արդյունքներով հաղթանակ է տարել վարչապետի պաշտոնակատար Պեդրո Սանչեսի Իսպանիայի սոցիալիստական բանվորական կուսակցությունը (ԻՍԲԿ): Այնուամենայնիվ քաղաքական ուժն աթոռների բացարձակ մեծամասնություն չի ստացել Պատգամավորների կոնգրեսում, որպեսզի Սանչեսին ինքնուրույն հաստատի նախարարների կաբինետի ղեկավարի պաշտոնում:
