Ալթայի երկրամասի բնակչուհին մի քանի բանկից վարկ է վերցրել և գրեթե 487 հազար ռուբլի է փոխանցել կեղծ հոգեբանին՝ իր վրայից «նավսը» հանելու խոստման դիմաց: Հանցագործության մասին հաղորդել են ՌԴ ներքին գործերի նախարարության մարզային շտաբից:
64-ամյա կինը համացանցում հայտարարության է հանդիպել և դիմել է հոգեբանի կողմից խոստացված «անվճար» օգնության համար դեռ օգոստոսին: Կնոջը զանգահարող անծանոթը խոստացել է օգնել նրան խնդիրների լուծման հարցում և սկսել է աստիճանաբար տարբեր «ծեսեր» առաջարկել՝ «նավսը» հանելու համար:
«Ծեսերից մեկը այգում աղավնիներին կերակրելն էր, իսկ հաճախակի ծեսերից էր փողից ազատվելը՝ դրանք որոշակի հաշվին փոխանցելով: Արդյունքում, մեկ ամսից պակաս ժամանակահատվածում կինը 487.000 ռուբլի է փոխանցել խարդախներին»,- նշել են գերատեսչությունում:
Թոշակառու կինը գրեթե ամբողջ գումարը որպես վարկ վերցրել է տարբեր բանկերից: Վերջին փոխանցումը նա կատարել է սեպտեմբերին՝ մուտք անելով նոր ստացած կենսաթոշակը: Միևնույն ժամանակ, նա ոչ ոքի չի պատմել իր «բուժման» մասին:
Իրավապահները նշել են, որ դեպքի առթիվ քրեական գործ է հարուցվել «Մեծ չափի խարդախություն, որը կատարել է անձը՝ օգտագործելով իր պաշտոնեական դիրքը» հոդվածով:
