Hraparak.am-ը գրում է.
ԱԱԾ պետի պաշտոնակատար Էդուարդ Մարտիրոսյանի ներկայացման ժամանակ մի ուշագրավ իրադարձություն տեղի ունեցավ, որի վրա սենսացիոն այս լրահոսների ժամանակ առանձնապես ուշադրություն չդարձրեց։
Մասնավորապես, երբ Փաշինյանը և նոր ԺՊ-ն ներկայացնում էին վերջինիս, տեսախցիկները արձանագրում էին այնտեղ հավաքված Ազգային անվտանգության ծառայության աշխատակիցների դեմքերը։
Այդ օրը առնվազն մի քանի տասնյակ ԱԱԾ-ական դեմք ցուցադրվեց։ Մի հիանալի նվեր օտար երկրների հատուկ ծառայությունների համար։
Նշենք, որ հատուկ օպերացիաների ժամանակ՝ երբ ԱԱԾ-ը որևէ տեղ մտնում է փաստաթղթեր ստուգելու, առգրավելու, մի խոսքով՝ երբ որևէ տեղ «շնորհքով ներխուժում է», բոլորը կրում են սև դիմակներ։
Բնականաբար, ԱԱԾ նոր տնօրենի ներկայացման ժամանակ դահլիճում ավելի բարձրաստիճան սպաներ էին հավաքված։Մնում է մխիթարվել, որ գոնե ԱԱԾ կայքում այդ տեսանյութը տեղադրված չէ։