Ermenihaber.am-ը գրում է․
Թուրքիայի պաշտպանական արդյունաբերության նախագահ Իսմաիլ Դեմիրը CNN Türk-ին տված հարցազրույցում մանրամասներ է հաղորդել ռուսական S-400 զենիթահրթիռային հակաօդային պաշտպանության համակարգերի ձեռքբերման գործընթացի վերաբերյալ:
Իսմաիլ Դեմիրը նշել է, որ S-400 ՀՕՊ համակարգերը դեկտեմբեր ամսին հավաքված կլինեն, սակայն շահագործման պատրաստ կլինեն միայն ապրիլին:
«Մի շարք տեխնիկական հարցեր կան, որոնցից մեկը մեր մասնագետների կրթությունն է: Այս ամենն ավարտելուց հետո համակարգերը ապրիլին պատրաստ կլինեն շահագործման»,-ասել է Դեմիրը:
Ի պատասխան ռուսական ինքնաթիռների հնարավոր ձեռքբերման հարցին, Դեմիրը ասել է, որ այն նոր թեմա է, ռուսական կողմից առաջարկ են ստացել և պետք է ուսումնասիրեն այն:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
