Armsport.am-ը գրում է.
Բրազիլիայի ազգային հավաքականի նախկին ֆուտբոլիստ Կական խոսել է «Պարի Սեն Ժերմենի» հարձակվող Նեյմարի մասին։
«Կարծում եմ՝ լավ է, որ Նեյմարը մնաց ՊՍԺ-ում։ Դա լավ է թե՛ իր, թե՛ թիմի համար։ ՊՍԺ-ն միշտ փորձում է լավ թիմ կառուցել, որպեսզի հաղթի Չեմպիոնների լիգան։ Նեյմարը կարող է լինել թիմի առաջատարը։ Նա հիասքանչ մրցաշրջան է անցկացնելու»,-Կակայի խոսքերն է մեջբերում Sky Sports-ը։
Ամառային տրանսֆերային պատուհանի ընթացքում 27-ամյա բրազիլացին ջանում էր ամեն կերպ հեռանալ փարիզյան ակումբից, սակայն «Բարսելոնա» վերադարձը ձախողվեց տրանսֆերային բարձր արժեքի պատճառով։
Ընթացիկ մրցաշրջանում Նեյմարը մեկ հանդիպման է մասնակցել, որտեղ դարձել է գոլի հեղինակ ու հաղթանակ պարգևել իր թիմին։
Նյութի աղբյուր՝ http://www.armsport.am/hy/news/2019/09/19/kaka/1017923
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել