Արթուր Վանեցյանի հրաժարական տվեց ԱԱԾ պետի պաշտոնից, ընդ որում՝ Նիկոլի գործունեությունը գնահատելով որպես տարերային, հախուռն, առաջնայինը երկրորդականից և անցողիկը մնայունից չտարբերող գործելաոճ։ Սրանով Վանեցյանը ոչ միայն ամրապնդեց հասարակական այն կարծիքը, որը ժամ առ ժամ խորանում է Փաշինյանի իշխանության մասին, այլև ցույց տվեց իր սկզբունքայնությունն ու հասարակության առջև հաշվետվողականությունը, չէ՞ որ ԱԱԾ պետի պաշտոնը զբաղեցնող պաշտոնյան իրավունք չուներ հրաժարական տալու ու սուս ու փուս լքելու պաշտոնը։ Մենք արդեն ունեցել ենք նախադեպեր, երբ մեկ-երկու առավել ցածր պաշտոններ զբաղեցնող անձինք հրաժարական են տվել՝ իրենց հրապարակային անհամաձայնությունը հայտնելով Նիկոլի վարած կործանարար քաղաքականությանը։ Սա դեռևս ամենաբարձր մակարդակով տրված առաջին անհամաձայնության հրաժարականն էր, բայց ոչ վերջինը՝ իշխանության մեջ դեռևս բարձր վարկանիշ ունեցող հաշված պաշտոնյաներից։ Առաջիկայում էլ հրաժարականների շքերթը շարունակվելու է, մինչև Նիկոլը միայնակ մնա իր տեսակի հետ։
Վանեցյանը տվեց Փաշինյանի իշխանազրկման լուրջ մեկնարկը, սպասենք սորոսականների ակտիվացմանը՝ Նիկոլի համար տխուր հետևանքներով հանդերձ։
