ՍԴ-ի հարցը լուծելու համար ոչ իրավական ճանապարհները մեզ համար ընդունելի չեն. Լիլիթ Մակունց

Ազգային ժողովի «Իմ քայլը» խմբակցությունը այսօր նիստ է հրավիրել, որի ժամանակ որոշելու են Սահմանադրական դատարանի շուրջ ստեղծված իրավիճակի լուծման ուղղությամբ սպասվելիք քայլերը, այդ մասին լրագրողների հետ ճեպազրույցում հայտարարեց ԱԺ «Իմ քայլը» խմբակցության ղեկավար Լիլիթ Մակունցը։

Հարցին, թե ԱԺ նախագահ Արարատ Միրզոյանի հայտարարությունից կարելի՞ է ենթադրել, թե կան գործողությունների որոշ տարբերակներ, Մակունցը պատասխանեց. «Մեր քայլերի համար մենք ունենք մշակած մի քանի տարբերակներ, որոնք քննարկելու ենք խմբակցությունում ու համատեղ կորոշենք՝ ինչ տարբերակով ենք առաջ գնում»։